ردت الفنانة اللبنانية إليسا على التخوين الذي يتعرض له المتظاهرون الذين يطالبون بإسقاط النظام اللبناني، مشيرة الى أنهم يطالبون بحقوق المواطن.
وكتبت إليسا عبر حسابها الخاص على أحد مواقع التواصل الإجتماعي :
"لكل هالناس عا مواقع التواصل الاجتماعي اللي نازلين تخوين وتهديد وتكذيب واتهامات ضد كل مين بدو يثور وينتفض. أولا إذا إنتو بدكن دولة أول شي لازم تحترمو الرأي الآخر وما تسمحو بالاعتداء عليه
تانيا، هالمطالب عند الناس ما بتعنيكن؟ إنتو جايي عندكن الكهربا، فيكن تفوّتو أهلكن عالمستشفى، بيضاين معاشكن لآخر الشهر، ما بدكن محاسبة عالسرقات والنهب؟ شايفين الوضع كتير منيح تا معتبرين الحراك موجه ضدكن؟ إنتو محلكن معنا مش مع اللي عم تدافعو عنن.
ما شبعتو من الزبالة يللي ما انحلت من سنة وتنان وخمسة؟ ما شايفين في ولا مشكلة بهالبلد؟ ما بقا تكونو متل الغنم ماشيين ورا زعيم! وعو بقا!
يا جماعة. شيلو كل الاعتبارات عا جنب وتذكّرو بس إنو كلن رايحين اليوم أو بكرا أو اللي بعدو، ولبنان وحدو اللي باقي. وقفو مع لبنان ومع الشعب ومطالبو، ما تقبلو تكونو عم تحمو كراسيهن".
